मकवानपुर, जेठ १३ —थाहा नगरपालिका–३ मा सोमबार साँझ यात्रुबाहक बसको ब्रेक फेल भई भएको भीषण दुर्घटनाले तीन जनाको ज्यान लिएको छ भने चार जना गम्भीर घाइते भएका छन्। नेपाल विद्युत् प्राधिकरण नजिकै हिँडिरहेका पैदल यात्रुहरूलाई एक्कासी अनियन्त्रित बसले किच्दा मृत्युको मारमा निर्दोष नागरिक परेका छन्।
दुर्घटनामा ४० वर्षीय कृष्ण बलामी, ३८ वर्षीय लोकेन्द्रकुमार ठाकुर, र सिराहाको औराही गाउँपालिका–१ निवासी रघुनन्दन यादव को ज्यान गएको जिल्ला प्रहरी कार्यालय मकवानपुर ले जनाएको छ।
अन्य चार घाइतेमध्ये एकजनाको काठमाडौंस्थित ट्रमा सेन्टरमा उपचार भइरहेको छ भने बाँकीको पालुङ प्राथमिक स्वास्थ्य केन्द्र मा उपचार जारी छ।
दुर्घटनापछि २९ वर्षीय बस चालक राजेश कार्कीलाई प्रहरीले नियन्त्रणमा लिएर अनुसन्धान सुरु गरेको छ।
