१५ जेठ, काठमाडौंसरकारले जनस्वास्थ्यमा नकारात्मक असर पार्ने बानी र वस्तुको खपत न्यूनीकरण गर्ने उद्देश्यले मदिरा, सुर्तीजन्य पदार्थ तथा विद्युतीय चुरोटमा लाग्ने कर वृद्धि गरेको छ। आगामी आर्थिक वर्ष २०८२/८३ को बजेटमार्फत अर्थमन्त्री विष्णुप्रसाद पौडेलले सार्वजनिक स्वास्थ्यलाई प्राथमिकता दिँदै भन्सार महसुल र अन्तःशुल्क दरमा वृद्धि गरिएको जानकारी दिएका हुन्। यस कदमलाई सरकारले “स्वास्थ्य जोखिम करको दायरा विस्तार” को रुपमा व्याख्या गरेको छ। सरकारको तर्फबाट आएको यस्तो निर्णय केवल राजस्व वृद्धि होइन, दीर्घकालीन स्वास्थ्य सरोकारसहितको रणनीतिक पहलको रुपमा हेरिएको छ। ‘स्वस्थ नागरिक, समृद्ध राष्ट्र’ भन्ने लक्ष्यसहित सरकारले बियर, रक्सी, सुर्ती, चुरोट तथा विद्युतीय निकोटिनजन्य उत्पादनहरूको खपतमा नियन्त्रण ल्याउने प्रयास गरेको हो। अर्थमन्त्री पौडेलले संसदमा सम्बोधन गर्दै भने, ‘स्वास्थ्यप्रति हानिकारक वस्तुको प्रयोगमा निरुत्साह ल्याउन र दीर्घकालीन खर्च घटाउन कर संरचना परिमार्जन गरिएको हो।
जनवाच
