काठमाडौं, २० जेठ। काठमाडौं महानगरपालिकाले आन्तरिक अनुशासन र प्रशासनिक जिम्मेवारीलाई प्राथमिकतामा राख्दै आफ्नै प्रहरी बलका प्रमुख राजु पाण्डेलाई ६ महिनाका लागि निलम्बन गरेको छ। महानगरपालिकाका कार्यकारी प्रमुख सरोज गुरागाईंले पाण्डेले माग गरिएको स्पष्टीकरणमा सन्तोषजनक जवाफ नदिएको ठहर गर्दै उनलाई निलम्बन गर्ने निर्णय लिएका हुन्। गत चैत २१ गते, कार्यालयमा हाजिर हुने क्रममा हुलहुज्जत तथा अव्यवस्थित व्यवहार गरेको आरोपमा पाण्डेसँग स्पष्टीकरण मागिएको थियो। तर, उनले सो आरोपमा चित्तबुझ्दो जवाफ दिन नसकेको भन्दै ६ महिनाको निलम्बन गरिनु परेको हो। पाण्डे निलम्बनमा परेपछि महानगर प्रहरी प्रमुखको जिम्मेवारी नगर प्रहरी उपरीक्षक विष्णु प्रसाद जोशीलाई सुम्पिएको छ।
जनवाच
