काठमाडौं । इंग्लिस प्रिमियर लिगअन्तर्गत म्यानचेस्टर युनाइटेडले प्रभावशाली प्रदर्शन गर्दै लेस्टर सिटीलाई ३-० को सहज अन्तरले पराजित गरेको छ।
गएराति सम्पन्न खेलमा युनाइटेडका लागि रासमस होजलण्ड, अलेजान्द्रो गार्नाचो र ब्रुनो फर्नान्डेजले गोल गर्दै टोलीलाई महत्वपूर्ण जित दिलाए। खेलभरि नै उत्कृष्ट लयमा देखिएको युनाइटेडले लेस्टरलाई खासै मौका नदिँदै सहज जित हात पार्यो।
यो जितसँगै म्यानचेस्टर युनाइटेडको लिग तालिकामा सुधार भएको छ। हालसम्म खेलेका २९ खेलबाट ३७ अंक जोडेको युनाइटेड १३औं स्थानमा छ।
दुई टोलीबीचको फरक अझ स्पष्ट छ, किनकि लेस्टर सिटी २९ खेलबाट मात्र १७ अंक जोड्दै १९औं स्थानमा रहेको छ। लेस्टरका लागि लिगमा सुरक्षित स्थानमा पुग्न अब बाँकी खेलहरू निर्णायक बन्नेछन्।
जनवाच
