काठमाडौं — आजको दिन तपाईंको सम्बन्ध, सोच र जिम्मेवारीप्रतिको दृष्टिकोणले धेरै कुरा निर्धारण गर्नेछ। ग्रहहरूको चालले मात्र होइन, तपाईंको प्रतिक्रिया, धैर्य र व्यवहारले पनि आजको फलदायिता तय गर्नेछ। कतै मनभित्रको द्वन्द्वले निर्णयमा असर पु¥याउन सक्छ भने कतै आत्मविश्वासले चुनौती जित्न सकिने संकेत छन्।
मेष – आजको दिन सिर्जनात्मक कार्यहरूतर्फ आकर्षण बढ्नेछ। भावुकता हावी हुनसक्छ, तर आत्मनियन्त्रणको अभ्यासले तपाईंलाई लक्ष्यतर्फ फर्काउनेछ।
बृष – कार्यक्षेत्रभन्दा बाहिरको जिम्मेवारीले तपाईंलाई थकित बनाउन सक्छ, तर संयमता अपनाउन सक्नुभयो भने सम्मान पाइनेछ। साझेदारीमा संवाद आवश्यक छ।
मिथुन – सन्तान वा नजिकका मानिसहरूसँगको सम्बन्ध सुधार्ने अवसर आज पनि छ। बुद्धिको प्रयोगले समस्यालाई समाधानतर्फ लैजान सकिन्छ।
कर्कट – पारिवारिक र पेशागत जीवनबीच सन्तुलन खोज्ने प्रयास गर्नुहोस्। वैदेशिक योजना वा लामो दूरीको सोचका लागि आजको दिन अनुकूल छ।
सिंह – आत्मप्रेरणाले आज तपाईंलाई नयाँ उचाइमा पुर्याउन सक्छ। तर हठ त्याग्नुहोस्, नत्र तपाईंकै बोली उल्टो सावित हुन सक्छ।
कन्या – आकस्मिक लाभ सम्भावना भए तापनि गलत बाटो रोज्दा गुमाउने डर छ। सोचेर मात्र आर्थिक निर्णय लिनुहोस्।
तुला – तपाईंको बोली र आत्मविश्वास नै आजको बल हो। तर आत्ममुग्धताले नजिकका सम्बन्ध बिगार्न सक्छ, सहिष्णु बन्नुहोस्।
वृश्चिक – सुरक्षामाथि विशेष ध्यान दिनुपर्ने दिन हो। आन्तरिक शान्तिका लागि ध्यान वा अध्यात्ममा रुचि बढ्न सक्छ।
धनु – आजका निर्णयहरू दीर्घकालीन हुनेछन्। परिवार र निजी योजना बीच सन्तुलन साध्ने प्रयास गर्नुहोस्।
मकर – उच्चस्तरका व्यक्तिसँग सम्बन्ध विकास हुने दिन हो। संचार र विचारशैलीमा स्पष्टता अपनाउनु राम्रो हुनेछ।
कुम्भ – आजको दिन अप्रत्याशित रूपमा सकारात्मक मोड लिनसक्छ। तर, परिस्थितिले एक्लिन बाध्य बनाउने सम्भावनासमेत छ।
मीन – स्वास्थ्यमा ख्याल गर्नु पर्ने दिन हो। मानसिक र शारीरिक रूपमै सन्तुलन खोज्ने प्रयासले तपाईंलाई सुधारको बाटो देखाउन सक्छ।
