काठमाडौं । नेपाली कांग्रेसका महामन्त्री विश्वप्रकाश शर्मा पहिलो पटक हिमाल चढेका छन् । उनी शुक्रबार बिहान छ हजार ११९ मिटर अग्लो लोबुचे पिकको सफल आरोहण गरेका हुन् ।
सेभेन समिट ट्रेक नामक कम्पनीमार्फत हिमाल चढेका शर्मासँगै उक्त कम्पनीका अध्यक्ष मिङ्ग्मा शेर्पासहितको टोली सहभागी थियो । स्रोतका अनुसार उनी आउँदो वसन्त ऋतुमा विश्वको सर्वोच्च शिखर सगरमाथा पनि चढ्ने योजनामा छन् ।
