काठमाडौं – बिहीबार राति साढे ११ बजे, अध्यक्ष चौधरीमाथि उनी बसोबास गर्दै आएको मायादेवी गाउँपालिका–१ स्थित घरको परिसरमा गोली प्रहार गरिएको जिल्ला प्रहरी कार्यालय कपिलवस्तुका प्रवक्ता डीएसपी मोहनमणि अधिकारीले जनाएका छन्।
सौभाग्यवश, अध्यक्ष चौधरी सकुशल रहेका छन्। शौचालय गइ फर्किने क्रममा बाहिरबाट कसैले गोली चलाएको प्रारम्भिक अनुसन्धानबाट खुलेको छ।

‘सकुशल छु, तर यो संकेत गम्भीर छ’ — घटनापछि अध्यक्ष चौधरीले आफ्ना निकटका व्यक्तिहरूमार्फत यस्तो प्रतिक्रिया दिएका छन्।

यस हमलालाई लिएर विभिन्न कोणबाट विश्लेषण भइरहेका छन्। अध्यक्ष चौधरी स्थानीय स्तरमा राजनीतिक रूपमा सक्रिय, सामाजिक विषयमा स्पष्ट धारणा राख्ने नेताका रूपमा चिनिन्छन्।