काठमाडौँ। चलचित्र ‘होस्टेल’ को तेस्रो सिरिज ‘होस्टेल-३’ले घरेलु बक्स अफिसमा शानदार व्यापार गरेको छ। ६ दिनको छोटो अवधिमा फिल्मले २ करोड २० लाख रुपैयाँको ग्रस कलेक्शन गरेको चलचित्र विकास बोर्डका तथ्याङ्कले देखाउँछन्।
फिल्म ‘होस्टेल-३’ ले अहिले दोस्रो सातामा प्रवेश गरेको छ र यो फिल्म शुक्रबारदेखि मध्यपूर्वका विभिन्न मुलुकहरू—संयुक्त अरब इमिरेट्स, कतार र बहराइनमा प्रदर्शनमा आएको छ।
सशान कँडेलको निर्देशन र कथा रहेको यस फिल्ममा पारस बम ठकुरी, सिम्रन पन्त, आशिष घिमिरे, पदम तामाङ, रिहान गिरी, हेना नगरकोटी लगायतका कलाकारहरूको प्रमुख अभिनय रहेको छ। फिल्म विद्यार्थीहरूको जीवनका रमाइलो र संघर्षलाई प्रस्तुत गर्दै दर्शकको मन जित्न सफल भएको छ। अर्जुन तिवारीको छायांकन र विकास दाहालको सम्पादनले पनि फिल्मलाई थप प्रभावकारी बनाएको छ।
