काठमाडौं, बैशाख ७ – नेपाली बजारमा स्मार्टफोनको प्रतिस्पर्धा दिनप्रतिदिन तीव्र भइरहेका बेला, भिभोले आफ्नो नयाँ मोडल वाई–२९ लाई राजधानीको चर्चित स्काइवाक टावरबाट विशेष शैलीमा सार्वजनिक गर्दै नयाँ उचाइमा पुर्याएको छ। ‘लामो ब्याट्री लाइफ र स्टाइलिश डिजाइन’ नारासहित प्रस्तुत गरिएको यो फोन अब नेपाली प्रयोगकर्ताको हातमा छ।
कार्यक्रममा सञ्चारकर्मी, सामाजिक सञ्जाल प्रभावशाली (ईन्फ्लुएन्सर) र प्राविधिक समीक्षकहरुको बाक्लो उपस्थिति रहेको थियो। कार्यक्रमको केन्द्रमा रहेको थियो ६५०० एमएएच ब्याट्री, जुन लामो समयको पावर सपोर्ट र ४४W को फ्ल्यास चार्जिङ क्षमता सहित आएको छ। आपतकालीन अवस्थामा १% ब्याट्रीमै फोन प्रयोग गर्न सकिने “ईमरजेन्सी पावर सेभिङ मोड” ले धेरैको ध्यान खिच्यो।
भिभो वाई–२९ केवल शक्तिशाली ब्याट्रीमा सीमित छैन। यसको ८+८ जीबी र्याम, २५६ जीबी स्टोरेज, तथा १२० हर्ट्ज रिफ्रेश रेट सहितको डिस्प्लेले गेमिङ, स्ट्रिमिङ र कार्यक्षमतामा नयाँ आयाम थपेको छ। १००० निट्स ब्राइटनेस र ४००% अडियो बुस्ट सहितको डुअल स्टीरियो स्पिकरले यसलाई इमर्सिभ अनुभवको लागि तयार बनाएको छ।
फोनको बाहिरी सौन्दर्यमा पनि नवीनता झल्किन्छ। थ्रीडी कर्भड ब्याकप्लेट, हाई-ग्लस मेटालिक फ्रेम, र नोबल ब्राउन तथा एलीगन्ट ह्वाइट रंग विकल्पले यसलाई सौन्दर्यमा विशेष बनाएको छ। त्यस्तै, “शट अल्फा ग्लास” ले यसलाई डस्ट, ड्रप र स्प्ल्यासबाट सुरक्षित राख्छ — चाहे यात्रा होस् या आकस्मिक दुर्घटना।
फोटोग्राफीमा रुचि राख्नेहरूका लागि, ५० एमपी मुख्य क्यामेरा र एआई-सपोर्टेड इमेज टुल्स (AI Erase, AI Enhancement) समावेश छन्। त्यसैगरी, सर्कल टु सर्च, AI Super Link, र स्क्रिन ट्रान्सलेसन जस्ता प्रयोगमा सहजता ल्याउने सुविधा पनि समावेश गरिएको छ।
नेपालभरका रिटेल स्टोरहरू र दराज अनलाइनमा उपलब्ध यस फोनको मूल्य रु २४,९९९ निर्धारण गरिएको छ। भिभो वाई–२९, शक्तिशाली ब्याट्री, आकर्षक डिजाइन, र प्रगतिशील फिचरहरू सहितको यस्तो स्मार्टफोन हो, जसले प्राविधिक सौन्दर्य र प्रयोगकर्ता अनुभवलाई एकसाथ पस्कन्छ।
