काठमाडौं । नेपाल आयल निगमले डिजेल र मट्टीतेलको मूल्य घटाएको छ । इण्डियन आयल कर्पोरेशनले ३१ अक्टोबर, २०२४ ( कार्तिक १५, २०८१) मा पठाएको नयाँ मूल्य सूचि अनुसार डिजेल र मट्टीतेलको मूल्य घटेर आएकाले मूल्य समायोजन गरेको निगमले जनाएको हो ।
निगमका अनुसार पेट्रोल प्रतिलिटर रु. ० २५, डिजेलमा रु.१.०४ ले र मट्टितेलमा रु. २.२४ घटेर आएको छ भने हवाई इन्धनमा रु. ३.२३ र एल. पि. ग्यासमा प्रति सिलिण्डर रु. ५५.७० ले बढेर आएको छ।
निगम संचालक समितिको कात्तिक १५ गतेको निर्णय बमोजिम डिजेल र मट्टीतेलमा समान प्रतिलिटर १ रुपियाँ घटाएको छ भने पेट्रोल, हवाई इन्धन र खाना पकाउने एलपी ग्यासको मूल्य यथावत् राखिएको छ । योसँगै अब डिजेल र मट्टीतेलको मूल्य प्रतिलिटर १५० रुपियाँ कायम भएको छ ।
घटेको मूल्य आजै राति १ बजेदेखि लागू हुने समेत निगमले जनाएको छ ।
