काठमाडौं, वैशाख महिनाबाट अधिकांश बैंकहरूले निक्षेपमा दिइने ब्याजदर घटाउने निर्णय लिएका छन्। यसले विशेषगरी निक्षेपकर्ताको आम्दानी घट्ने संकेत गरेको छ, जबकि केही बैंकहरू भने प्रतिस्पर्धात्मक रूपमा ब्याज बढाउँदै छन्। कुमारी बैंक, सानिमा बैंक र नेपाल बैंकले व्यक्तिगत तथा संस्थागत मुद्दती निक्षेपमा दिइने ब्याजदर घटाएका छन् भने एभरेष्ट बैंकले भने त्यही बेलामा ब्याजदर बढाउने निर्णय गरेको छ। कुमारी बैंकले चैतमा व्यक्तिगततर्फ ६.१०% र संस्थागततर्फ ५.१०% ब्याज दिँदै आएको थियो, जुन अब वैशाखमा क्रमशः ५.९२% र ४.९२% मा घटाइएको छ।सानिमा बैंकले पनि चैतमा ६.०५% र ४.३०% ब्याज दिएकोमा वैशाखदेखि ५.९५% र ४.२०% मा झारेको छ। एभरेष्ट बैंकले भने विपरीत रणनीति लिँदै ब्याजदर वृद्धि गरेको छ। चैतमा ६% (व्यक्तिगत) र ५% (संस्थागत) ब्याज दिने एभरेष्टले अब ६.६१% र ५.५१% ब्याज दिने घोषणा गरेको छ। नेपालका २० वाणिज्य बैंकहरूको औसत ब्याजदर हेर्दा, व्यक्तिगत मुद्दती निक्षेपमा ०.००३५ प्रतिशत विन्दुले वृद्धि देखिएको छ।तर संस्थागत मुद्दती निक्षेपमा भने औसत ब्याजदर ०.०६४ प्रतिशत विन्दुले घटेको छ।ब्याजदर घटाउने बैंकको संख्या पनि उल्लेख्य छ — ८ वाणिज्य बैंकहरूले संस्थागत निक्षेपमा ब्याज घटाएका छन्।
जनवाच
