काठमाडौं – विदेशी मुद्राको कारोबार गर्नेहरूका लागि आज नेपाल राष्ट्र बैंकले नयाँ विनिमयदर सार्वजनिक गरेको छ। अमेरिकी डलरदेखि लिएर भारतीय रुपैयाँसम्मको खरिद र बिक्री मूल्यमा सामान्य उतारचढाव देखिएको छ। आजको दरअनुसार अमेरिकी डलर एकको खरिददर १३६ रुपैयाँ ४३ पैसा र बिक्रीदर १३७ रुपैयाँ ०३ पैसा निर्धारण भएको छ। यस्तै, युरोपेली युरो एकको खरिददर १५५ रुपैयाँ ०५ पैसा र बिक्रीदर १५५ रुपैयाँ ७३ पैसा कायम गरिएको छ। युके पाउन्ड स्ट्रर्लिङको खरिददर १८१ रुपैयाँ ६४ पैसा र बिक्रीदर १८२ रुपैयाँ ४४ पैसा रहेको छ भने स्वीस फ्र्याङ्कको खरिद १६४ रुपैयाँ ६७ पैसा र बिक्री १६५ रुपैयाँ ४० पैसामा तोकिएको छ। एशियाली मुद्राहरूमा पनि परिवर्तन देखिएको छ। जापानी येन १० को खरिददर ९ रुपैयाँ ५२ पैसा र बिक्रीदर ९ रुपैयाँ ५६ पैसा, चिनियाँ युआन एकको खरिददर १८ रुपैयाँ ७२ पैसा र बिक्रीदर १८ रुपैयाँ ८० पैसा कायम गरिएको छ। त्यस्तै, भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा कायम भएको छ, जुन नेपाली बजारमा सर्वाधिक कारोबार हुने मुद्रामध्ये एक हो। अन्य प्रमुख मुद्राहरूको दर यस प्रकार रहेको छः अष्ट्रेलियन डलर : खरिददर ८७.०७, बिक्रीदर ८७.४५ क्यानेडियन डलर : खरिददर ९८.२८, बिक्रीदर ९८.७१ सिङ्गापुर डलर : खरिददर १०३.८१, बिक्रीदर १०४.२६ साउदी रियाल : खरिददर ३६.३७, बिक्रीदर ३६.५३ युएई दिराम : खरिददर ३७.१४, बिक्रीदर ३७.३१ राष्ट्र बैंकले आवश्यक परेमा विनिमयदरमा कुनै पनि बेला संशोधन गर्न सक्ने जनाएको छ। यद्यपि वाणिज्य बैंकहरूले खुला बजारका आधारमा आफ्नै विनिमयदर निर्धारण गर्ने हुँदा ग्राहकहरूले अद्यावधिक दरको जानकारी लिनुपर्नेछ। राष्ट्र बैंकले अद्यावधिक दर आफ्नो आधिकारिक वेबसाइटमा नियमितरूपमा प्रकाशित गर्दै आएको छ।
जनवाच
