काठमाडौँ— प्रधानमन्त्री केपी शर्मा ओलीले सङ्घीयताले विकासको ढोका खोलेको बताउँदै, समृद्धि हासिल गर्न सङ्घ, प्रदेश, र स्थानीय सरकारबीच घनिष्ठ सहकार्य आवश्यक रहेकोमा जोड दिनुभएको छ।
लुम्बिनी प्रदेशसभा बैठकमा विशेष सम्बोधन गर्दै, प्रधानमन्त्री ओलीले पवित्र भूमि लुम्बिनीमा उपस्थित हुन पाउँदा अत्यन्तै हर्षित भएको व्यक्त गरे । भगवान् गौतम बुद्धको जन्मस्थल तथा अन्य ऐतिहासिक र धार्मिक स्थलहरूले यो प्रदेशलाई विशेष बनाएको उल्लेख गरे ।
प्रधानमन्त्री ओलीले लुम्बिनी प्रदेश प्राकृतिक, सांस्कृतिक, र आर्थिक रूपमा समृद्ध बन्दै गएको र यहाँको राजधानी सफलतापूर्वक कार्यान्वयनमा आएको बताउनुभयो। उहाँले हालै निर्माण सम्पन्न अन्तर्राष्ट्रिय विमानस्थल, फराकिलो सडक, र अन्य पूर्वाधार विकासलाई प्रदेशको प्रगतिको सूचकका रूपमा व्याख्या गर्नुपर्नेमा जोड दिनुए ।
साथै, सिद्धबाबा सुरुङ मार्ग लगायतका योजनाहरूले यातायातलाई सहज बनाउने र रामपुर–कपुरकोट सडक निर्माणमा पनि ध्यान दिइएको जानकारी गराए ।
लुम्बिनी प्रदेशलाई कृषि, पर्यटन, र औद्योगिक केन्द्रका रूपमा अघि बढाउने योजनाबारे चर्चा गर्दै, प्रधानमन्त्री ओलीले मानव–केन्द्रित विकासलाई प्राथमिकता दिनुपर्ने बताउनुभयो। “यदि मानव जीवन छैन भने विकासको कुनै अर्थ रहँदैन भन्दै । सिँचाइ आयोजना सफल बनाउनुपर्ने कृषि क्षेत्रको प्रवर्द्धन गर्नुपर्ने र वातावरण संरक्षणसँगै विकासका कार्यहरू अघि बढ्नुपर्नेमा ओलीले जोड दिए । प्रदेशको समग्र विकासका लागि केन्द्र सरकार प्रतिबद्ध रहेको प्रधानमन्त्री ओलीले स्पष्ट पारे ।
सम्बोधनका क्रममा, प्रधानमन्त्री ओलीले प्रदेश सरकारले एक हजार २०० शय्याको लुम्बिनी प्रादेशिक अस्पतालको भवन निर्माण सुरु गरेकामा प्रशंसा व्यक्त गर्नुभयो। “यो अस्पताल भवन प्रदेश सरकारको रू ६ अर्ब १८ करोड लागतमा बन्न लागेको पहिलो ठूलो पूर्वाधार हो। तर केन्द्र सरकारले एक हजार शय्याको अस्पताल पूर्ण रूपमा सञ्चालन गर्न सकिएको छैन त्यसका लागि सङ्घ, प्रदेश, र स्थानीय सरकारबीच सहकार्य आवश्यक छ भनेका छन् ।”
स्वास्थ्य संस्थाहरूलाई प्रभावकारी रूपमा सञ्चालन गरेर मात्र नागरिकलाई गुणस्तरीय स्वास्थ्य सेवा प्रदान गर्न सकिने प्रधानमन्त्रीको विश्वास छ। प्रविधिको सही सदुपयोग गर्नुपर्नेमा जोड दिँदै भने “मोबाइलमा गरेका कुरा गोप्य हुँदैनन्। अरूले बनाएको चीज हो। डेटा अन्त जान्छ। प्रविधिको धेरै विकास भएको छ। ठीक सदुपयोग गर्न सक्नुपर्छ।”
प्रधानमन्त्री ओलीले सङ्घीयता कार्यान्वयनका क्रममा देखिएका चुनौतीहरूलाई पार गर्न तीनै तहका सरकारहरूबीच समन्वय र सहकार्य अपरिहार्य रहेकोमा जोड दिनुभयो। “हामी सबैले मिलेर मात्र समृद्ध नेपाल, सुखी नेपालीको सपना साकार पार्न सक्छौँ,” भने । प्रदेशहरूले कानुनी संरचना निर्माण गर्दा सङ्घीय सरकारद्वारा स्थापित मौजुदा कानुनहरूलाई आधार मानेर अघि बढ्नुपर्नेमा प्रधानमन्त्रीले जोड दिए । “सङ्घ सरकारले बनाएका मौजुदा कानुनमा टेकेर प्रदेशहरूले विकास गर्नुपर्छ,” ओलीले भने , “प्रदेशहरूले आफैँ कानुन बनाउँदा धेरै कानुन संशोधन गर्नुपर्ने अवस्था आउन सक्छ, त्यसैले मौजुदा कानुनहरूलाई आधार मानेर अघि बढ्न आग्रह गरे।”
प्रधानमन्त्री ओलीको यो सम्बोधनले सङ्घीयता कार्यान्वयनमा तीनै तहका सरकारबीच सहकार्य र समन्वयको महत्त्वलाई पुनः पुष्टि गरेको छ, जसले समृद्ध नेपाल र सुखी नेपालीको लक्ष्य हासिल गर्न मार्गप्रशस्त गर्नेछ।
