काठमाडौं । समाजवादी मोर्चाले आगामी चैत १५ गतेका लागि घोषित आन्दोलनका लागि विभिन्न रणनीतिक स्थान तोकेको छ। मोर्चाले काठमाडौं उपत्यकाका विभिन्न आठ प्रमुख केन्द्रहरूलाई आन्दोलनका लागि केन्द्रबिन्दु बनाएको छ। नयाँ राजनीतिक परिवर्तनका लागि सरकारलाई दवाव दिन मोर्चाले माइतीघर मण्डला, कुपन्डोल, त्रिपुरेश्वर, सुन्धारा, न्युरोड गेट, सोह्रखुट्टे, शान्तिबाटिका र मैतीदेवी क्षेत्रलाई प्रमुख आन्दोलन केन्द्र बनाउने निर्णय गरेको छ। मोर्चाले तोकेका स्थानहरूबाट अलग–अलग रुट हुँदै मुख्य विरोध सभामा एकीकृत हुने रणनीति लिएको छ। प्रमुख स्थानहरूबाट हुने जुलुस निम्नानुसार छन्: माइतीघर मण्डला: बसन्तपुर, माइतीघर, थापाथली, त्रिपुरेश्वर, शहीदगेट, भद्रकाली हुँदै मुख्य सभा।कुपन्डोल: त्रिपुरेश्वर, सुन्धारा, न्युरोड गेट हुँदै मुख्य सभा।त्रिपुरेश्वर: सुन्धारा, न्युरोड गेट, शान्तिबाटिका, पुरानो बसपार्क हुँदै मुख्य सभा।सुन्धारा: न्युरोड गेट, शान्तिबाटिका, पुरानो बसपार्क हुँदै मुख्य सभा।न्युरोड गेट: रत्नपार्क, भोटाहिटी, विश्वज्योति हल, घण्टाघर, पुल्चोक, पद्मोदय मोड हुँदै मुख्य सभा।सोह्रखुट्टे: असन, भोटाहिटी, विश्वज्योति हल, पुल्चोक हुँदै मुख्य सभा।शान्तिबाटिका: भोटाहिटी, घण्टाघर, पुल्चोक हुँदै मुख्य सभा।मैतीदेवी: पुल्चोक, पद्मोदय मोड हुँदै मुख्य सभा। मोर्चाले विभिन्न आन्दोलनका केन्द्रहरूलाई संगठित गर्दै जुलुसहरू अन्तिम गन्तव्यतर्फ मिसिने व्यवस्था मिलाएको छ। विशेषगरी, न्युरोड गेट, सोह्रखुट्टे र भोटाहिटी क्षेत्रमा सशक्त शक्ति प्रदर्शन हुने छ।
जनवाच
