काठमाडौं । सरकारले २९ अर्ब रुपैयाँ बढीको ट्रेजरी बिल जारी गर्ने भएको छ । आन्तरिक ऋणको अल्पकालीन ऋणपत्रको रुपमा सरकारले ट्रेजरी बिल्समार्फत २९ अर्ब १० करोड रुपैयाँ ऋण उठाउने भएको हो ।
सार्वजनिक ऋण व्यवस्थापन कार्यालयले आइतबार एक सार्वजनिक सूचना गर्दै बैंक तथा वित्तीय संस्थाहरुलाई ट्रेजरी बिल्स खरिदका लागि आह्वान गरेको छ ।
ऋण व्यवस्थापन कार्याका अनुसार २८ दिने, ९१ दिने, १८२ दिने र ३६४ दिने गरी चार किसिममा ट्रेजरी जारी गर्न लागिएको हो । जसमध्ये ३६४ दिने अर्थात् एक वर्षे ट्रेजरीमा ५ अर्ब रुपियाँ र ६ अर्ब पुरानो गरी ११ अर्ब रुपियाँ उठाउँन लागिएको हो भने बाँकी १८ अर्ब १० करोड रुपियाँ पुरानै ट्रेजरीको नवीकरण गर्न लागिएको हो ।
इच्छुक बैंक तथा वित्तीय संस्थाहरुले माघ १४ गते सोमबार दिउँसो २ बजेसम्म आवेदन दिन सक्नेछन् । ट्रेजरीको बिक्री भने माघ १५ गते हुनेछ ।
