३० जेठ काठमाडौं – आर्थिक चुनौतीपछि आन्तरिक व्यवस्थापनमा कडाइ गरेसँगै बैंक तथा वित्तीय संस्थाहरू पुनः नाफाको ट्रयाकमा फर्किन थालेका छन्। चालु आर्थिक वर्षको १० महिनाको अवधिमा बैंकरुको खुद नाफा १५.८४ प्रतिशतले वृद्धि भएको छ, जसले वित्तीय क्षेत्रमा सुधारको संकेत दिएको छ। नेपाल राष्ट्र बैंकका अनुसार, चालु आवको वैशाखसम्म बैंक तथा वित्तीय संस्थाको खुद नाफा ५३ अर्ब ९ करोड रुपैयाँ पुगेको छ। अघिल्लो वर्षको सोही अवधिमा यो नाफा ५३ अर्ब १९ करोड थियो, जसअनुसार अंकमा न्यून सुधार देखिए पनि आन्तरिक राजस्व घट्दो क्रममा नहुनु आफैंमा उपलब्धि मानिएको छ। नाफा सुधार हुनुमा कर्जा नोक्सानी व्यवस्थाबाट फिर्ता भएको ४२ अर्ब १८ करोड, ब्याज आम्दानीमा ४.५ खर्ब रुपैयाँ तथा कमिसन आम्दानीमा ३१ अर्ब ३४ करोड प्रमुख योगदानदाताका रूपमा देखिएका छन्। वाणिज्य बैंकहरू: वैशाखसम्म ४७ अर्ब ७९ करोड खुद नाफा, गत चैतको तुलनामा १५.८६% वृद्धि। विकास बैंकहरू: ४ अर्ब ५९ करोड नाफा, गत चैतको तुलनामा १७.७६% वृद्धि। फाइनान्स कम्पनीहरू: ६९ करोड खुद नाफा, न्यून वृद्धि दर ३.३६%। गत वर्ष सोही अवधिमा नाफा वृद्धिको गति १९% रहेकोमा यसवर्ष त्यो दर १५.८४% मा झरेको छ।
जनवाच
