काठमाडौं, चैत २१ –संघीय संसद अन्तर्गत आजका तीन महत्वपूर्ण समिति बैठकहरू तीन फरक मुद्दामा केन्द्रित हुँदै सिंहदरबारको संसदीय भवनमा बस्दै छन्। विधायन, अर्थ र सुशासनसँग सम्बन्धित विषयमा समिति सदस्यहरू निर्णायक छलफलमा जुट्न लागेका हुन्।
तीनवटै बैठक एकै समयमा — बिहान ११ बजे — सुरु हुँदैछन्, तर एजेन्डा भने एकअर्काभन्दा बिलकुल फरक।
अर्थ समितिले आजको बैठकमा आगामी आर्थिक वर्ष २०८१/८२ का लागि बजेटको तयारीबारे अर्थ मन्त्रालयसँग प्रत्यक्ष छलफल गर्नेछ। आगामी बजेटले अर्थतन्त्रको पुनरुत्थान, महँगी नियन्त्रण र रोजगारी सिर्जनाको दिशा लिने अपेक्षा गरिएको छ।
यो छलफल आगामी बजेटको प्रारम्भिक संरचना तय गर्ने दिशामा महत्त्वपूर्ण हुनेछ।
पछिल्लो समय चर्चामा रहेको तीनकुने घटनाक्रम आजको अर्को बहसको केन्द्रबिन्दु बन्नेछ। चैत १५ गते राजावादी समूहले गरेको प्रदर्शन र त्यसपछिको घटनालाई लिएर गृह मन्त्रालयले जवाफ दिनुपर्नेछ।
राज्य व्यवस्था तथा सुशासन समितिमा गृह मन्त्रीलाई बोलाएर सो घटनाबारे स्पष्टिकरण मागिनेछ। सरकारको सुरक्षा रणनीति र प्रदर्शनप्रतिको प्रतिक्रिया यस छलफलको मूल मुद्दा बन्नेछ।
