काठमाडौं, १४ चैत – नेको इन्स्योरेन्सले फागुन ८ गतेदेखि बिक्री खुला गरेको २५ प्रतिशत हकप्रद शेयरमा आवेदन दिन आज अन्तिम दिन रहेको छ। इच्छुक शेयरधनीहरूले समयमै आवेदन नदिए अवसर गुम्न सक्नेछ।
कम्पनीले चुक्ता पुँजी वृद्धि गर्ने लक्ष्यसहित २५ प्रतिशत अर्थात् ४:१ अनुपातमा हकप्रद शेयर जारी गरेको हो। कम्पनीको हालको चुक्ता पुँजी २ अर्ब १ करोड २३ लाख ६० हजार रुपैयाँ रहेको छ, जुन हकप्रद शेयर निष्कासनपछि २ अर्ब ५१ करोड रुपैयाँ पुग्नेछ।
यसका लागि कम्पनीले माघ १८ गते बुक क्लोज गरिसकेको छ, जसअनुसार माघ १५ गतेसम्म कायम रहेका शेयरधनीहरू आवेदन दिन योग्य छन्। हकप्रद शेयर खरिद गर्नका लागि बिक्री प्रबन्धक सानिमा क्यापिटल, नक्साल काठमाडौंका साथै नेको इन्स्योरेन्सका कैलाली, मोरङ, पर्सा, पोखरा, रुपन्देही, बाँके, सुर्खेतका शाखा कार्यालयहरूबाट आवेदन दिन सकिनेछ।
