इटहरी– सुनसरीको इटहरी उपमहानगरपालिका-६ स्थित सिनेमाहल रहेको सेन्ट्रल प्लाजामा भीषण आगलागी भएको छ। नेपाली सेना, नेपाल प्रहरी, सशस्त्र प्रहरी बल तथा स्थानीयको संयुक्त प्रयासमा आगलागी नियन्त्रणमा आएको छ। घटनामा ८ पुरुष र ३ महिलालाई सकुशल उद्धार गरिएको छ। भने, १ महिला र २ पुरुष सामान्य घाइते भएका छन्। प्रहरीको २२९ जनाको टोली परिचालन भई आगलागी नियन्त्रणका लागि अहोरात्र खटिएको थियो। अग्निनियन्त्रणका लागि दमकल, हाइड्रोलिक उपकरण तथा अन्य आधुनिक प्रविधि प्रयोग गरिएको थियो। आगलागीको कारण खुल्न नसकेको भए पनि प्रारम्भिक अनुमानअनुसार विद्युत् सर्टका कारण आगलागी भएको हुन सक्ने बताइएको छ। घटनाको विस्तृत अनुसन्धान भइरहेको छ।
जनवाच
