शिक्षा मन्त्रालयका अनुसार परीक्षा स्वच्छ, निष्पक्ष र मर्यादित बनाउन सुरक्षाकर्मी परिचालन गरिएको छ। अहिलेसम्म कुनै पनि अनियमितताको खबर आएको छैन।
काठमाडौं, ७ चैत – माध्यमिक शिक्षा परीक्षा (एसईई) देशभर शान्तिपूर्ण रूपमा सञ्चालन भइरहेको छ।
देशभर २०७९ परीक्षा केन्द्रमा बिहान ८:०० बजेबाट सुरू भएको परीक्षा ११:०० बजे सकिने छ। पहिलो दिन अनिवार्य अंग्रेजी विषयको परीक्षा भइरहेको छ, भने संस्कृत वेदविद्याश्रमका लागि अनिवार्य संस्कृत र मदरासाका लागि अनिवार्य अरेबिक भाषाको परीक्षा पनि लिइँदैछ।
यो वर्ष विभिन्न बाल सुधार गृह र कारागारबाट ४८ जनाले एसईई परीक्षा दिइरहेका छन्। भक्तपुरको सानोठिमी बाल सुधार गृहबाट २७, सुन्धारास्थित केन्द्रीय कारागारबाट १९, दैलेख बाल सुधार गृहबाट ६ तथा धुलिखेल र दाङबाट १–१ जनाले परीक्षा दिएका छन्।
यस वर्ष सबैभन्दा कम परीक्षार्थी मनाङमा छन्, जहाँ जम्मा ४६ जनाले परीक्षा दिएका छन्। विपरीत, काठमाडौं जिल्लामा सबैभन्दा धेरै ३९ हजारभन्दा बढी विद्यार्थी एसईईमा सहभागी छन्।
जनवाच
