काठमाडौं , ६ चैत – बलिउडका दमदार अभिनेता रणदीप हुड्डा आफ्नो भूमिकामा पूर्ण समर्पणका लागि परिचित छन्। अब उनले आउँदै गरेको फिल्म ‘जाट’ मा आफूलाई नयाँ अवतारमा प्रस्तुत गरेका छन्।
यस फिल्ममा रणदीप खलनायक ‘रणतुंगा’ को भूमिकामा देखिँदैछन्। उनले यो क्यारेक्टरलाई अझ खतरनाक बनाउन तौल बढाउनुका साथै कपाल बढाएका छन्। मात्र यति होइन, उनले आफ्नो आवाजमा पनि बिहंग परिवर्तन गर्दै नयाँ शैली अपनाएका छन्।
फिल्मसँग निकट स्रोतका अनुसार, रणदीप हुड्डाले यो भूमिकालाई यथार्थपरक बनाउन पूरै डुबेर काम गरेका छन्।
- उनले विशेष कसरत गर्दै आफ्नो शरीरलाई बदल्न कडा मेहनत गरे।
- रणतुंगाको व्यक्तित्व अनुसार आवाज परिवर्तन गर्न पनि लामो समयसम्म अभ्यास गरे।
- उनको नयाँ रूप फ्यानहरूका लागि बिल्कुलै अनौठो अनुभव हुनेछ।
‘सरबजीत’ देखि ‘सावरकर’ सम्म: ट्रान्सफर्मेसनका बादशाह!
यो पहिलो पटक होइन जब रणदीप हुड्डाले चरित्र अनुरूप ठूलो रूपान्तरण गरेका छन्।
- २०१६ को ‘सरबजीत’ मा उनले आफ्नो वजन ३० किलो घटाएका थिए।
- २०२४ को ‘स्वतंत्र वीर सावरकर’ मा उनले गहिरो अध्ययन गर्दै पात्रलाई जीवित बनाएका थिए।
- अब ‘जाट’ मा पनि उनले रणतुंगालाई यथार्थ बनाउन कुनै कसर बाँकी राखेका छैनन्।
रणदीप आफैंले भनेका छन्,
👉 ‘मैले विभिन्न नकारात्मक भूमिका निर्वाह गरें, तर रणतुंगा सबैभन्दा खतरनाक छ। ऊ हिंस्रक, निर्दयी र पूर्ण रूपमा अराजक छ। फ्यानहरूले यसपटक मलाई नयाँ अवतारमा देख्नेछन्।’
यो फिल्मलाई गोपीचन्द मालिनेनी ले निर्देशन गरेका हुन्। रणदीप हुड्डा, सन्नी देओल, विनीत कुमार सिंह, सैयामी खेर र रेजिना क्यासान्ड्रा मुख्य भूमिकामा छन्।
अप्रिल १० मा हिन्दी, तमिल र तेलुगु भाषामा हलहरूमा रिलिज हुँदैछ!
