काठमाडौं । नेकपा एमालेको सचिवालय बैठक आज ललितपुरको च्यासलस्थित केन्द्रीय कार्यालयमा अपराह्न १ बजे बस्दैछ। पछिल्लो समय देशमा विकसित राजनीतिक घटनाक्रम, पूर्वराजा ज्ञानेन्द्र शाहको अपिलपछि देखिएको राजतन्त्र पक्षधरहरूको सक्रियता, र पार्टी संगठनका गतिविधिहरू बैठकको प्रमुख एजेन्डा रहने बुझिएको छ। विशेषगरी, राजतन्त्र पक्षधरहरूको बढ्दो सक्रियताले सिर्जना गरेको राजनीतिक माहोल र त्यसको सम्भावित असरबारे बैठकमा छलफल हुने अनुमान गरिएको छ। साथै, पार्टीलाई आगामी दिनमा कसरी सुदृढ बनाउन सकिन्छ भन्ने विषयमा समेत छलफल हुने नेताहरू बताउँछन्। सत्तारूढ दलहरूबीच देखिएको असमझदारी, देशको आर्थिक अवस्था, तथा आगामी रणनीति एमालेका लागि चुनौतीका रूपमा देखिएको छ। यस्तो परिस्थितिमा, आजको बैठकले पार्टीको राजनीतिक दृष्टिकोण स्पष्ट पार्ने अपेक्षा गरिएको छ।
जनवाच
