काठमाडौं, फागुन २३ । आइएमई लाइफ इन्स्योरेन्सले आगामी फागुन २५ गते (आइतबार) वार्षिक साधारण सभा बोलाएको छ। सभा काठमाडौंको धुम्बाराहीस्थित दियो महलमा बिहान ११ बजे सुरु हुनेछ।
सभामा २१.०५२६४ प्रतिशत नगद लाभांश (कर सहित) वितरण गर्ने प्रस्ताव पेस गरिनेछ। साथै, आर्थिक वर्ष २०८०–८१ को वार्षिक प्रतिवेदन, नाफा-नोक्सान विवरण र नगद प्रवाह सम्बन्धी छलफल हुनेछ। कम्पनीले आगामी आर्थिक वर्ष २०८१–८२ का लागि लेखापरीक्षक नियुक्त गर्ने र उनको पारिश्रमिक निर्धारण गर्ने एजेन्डा पनि अघि सारेको छ।
बुक क्लोज फागुन १५ गते नै गरिसकिएकोले त्यसअघिसम्म कायम सेयरधनीहरू मात्र सभामा सहभागी हुन र प्रस्तावित नगद लाभांश प्राप्त गर्न योग्य हुनेछन्।
कम्पनीले सेयरधनीहरूको हितमा विभिन्न नीतिगत निर्णय गर्न लागेको बताएको छ। साधारण सभाबाट पारित प्रस्तावले आइएमई लाइफ इन्स्योरेन्सको भविष्य रणनीति र सेयरधनीहरूका प्रतिफलमा असर पार्ने भएकाले यो सभा महत्वपूर्ण मानिएको छ।
