विदेशी मुद्राको भाउ निरन्तर बढ्ने वा घट्ने भन्ने कुरा अन्तर्राष्ट्रिय बजारको अवस्था र नेपालको विदेशी मुद्रा सञ्चितिको स्थितिमा निर्भर रहनेछ।
काठमाडौं, फागुन १७ । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ, जसअनुसार अमेरिकी डलरको मूल्य हालसम्मकै उच्च विन्दुमा पुगेको छ।
केन्द्रीय बैंकका अनुसार १ अमेरिकी डलरको खरिददर १३९ रुपैयाँ ७० पैसा र बिक्रीदर १४० रुपैयाँ ३० पैसा कायम भएको छ। पछिल्लो समय डलरको लगातार वृद्धि भएको देखिन्छ, जसले आयातमा निर्भर अर्थतन्त्रलाई थप दबाब दिने अनुमान गरिएको छ।
अमेरिकी डलरको मूल्य वृद्धिले नेपालमा पेट्रोलियम पदार्थ, खाद्यान्न, औषधि, तथा अन्य आयातित वस्तुको लागत बढाउने सम्भावना छ। यसले मुद्रास्फीति बढ्ने र उपभोक्ताले दैनिक उपभोग्य वस्तुहरू महँगोमा खरिद गर्नुपर्ने स्थिति सिर्जना गर्न सक्छ।
नेपाल राष्ट्र बैंकले विनिमय दरलाई आवश्यकतानुसार जुनसुकै बेला संशोधन गर्न सकिने जनाएको छ। साथै, वाणिज्य बैंकहरूले निर्धारण गर्ने विनिमय दर केन्द्रीय बैंकको भन्दा केही फरक हुनसक्ने जनाइएको छ।
जनवाच
