काठमाडौं, फागुन १५ – युनाइटेड इदी मर्दी एन्ड आरबी हाइड्रोपावरले आफ्नो १५औँ वार्षिक साधारणसभा चैत ११ गते बोलाएको छ। सञ्चालक समितिको बैठकले सभा आयोजनाको निर्णय गर्दै सेयरधनीहरूलाई महत्वपूर्ण प्रस्तावहरू पारित गर्ने तयारी गरेको छ। कम्पनीले ४.२११ प्रतिशत लाभांश वितरण गर्ने प्रस्ताव अघि सारेको छ, जसअन्तर्गत ४ प्रतिशत बोनस सेयर र कर प्रयोजनका लागि ०.२११ प्रतिशत नगद लाभांश समावेश गरिएको छ। साथै, बोनस सेयर जारीपछि कायम हुने चुक्तापुँजीको आधारमा १:१ अनुपातमा हकप्रद सेयर जारी गर्ने विशेष प्रस्ताव पनि सभामा पारित गरिनेछ। यसका साथै, आर्थिक वर्ष २०८०/८१ को वार्षिक प्रतिवेदन, लेखापरीक्षक नियुक्ति तथा सञ्चालकको निर्वाचनसम्बन्धी प्रस्तावहरूमाथि पनि छलफल हुनेछ। बुक क्लोज फागुन २३ गते हुने भएकाले सो मितिभन्दा अघिसम्म कायम सेयरधनीहरू मात्र लाभांश प्राप्त गर्न र साधारणसभामा सहभागिता जनाउन योग्य हुनेछन्।
जनवाच
