काठमाडौं । बुधबार एकाएक बबरमहल स्थिति काठमाडौं जिल्ला अदालत अघि मेलम्चि पानीको पाइप फुटेपछि सो क्षेत्र जलमग्न हुन पुगेको छ । काठमाडौं जिल्ला अदालत अघि, विशेष अदालत र वन विभागको परिसर अघिनै यस्तो हुँदा सो क्षेत्र पुरै जलमग्न हुन पुगेको हो ।
पानीको पाइप फुटेपछि जिल्ला अदालत, विशेष अदालत र वन विभागको सरकारी भवन भित्रै पानी पसेको छ । जसले गर्दा अदालती काम कारबाही समेत प्रभावित हुन पुगेको छ ।
यता सडकमा पाइप फुटेपछि सार्वजनिक यातायात आवातजावतमा समेत समस्या भएको छ ।
