काठमाडौं । मंसिर १५ गतेदेखि राजधानीमा जारी नेपाल प्रिमियर लिग (एनपिएल) मा आज दुई खेल हुँदैछन् । कीर्तिपुरस्थित त्रिभुवन विश्वविद्यालयको मैदानमा आज पहिलो खेलमा जनकपुर बोल्ट्सको सामना सुदूरपश्चिम रोयल्सले गर्नेछ । यो खेल बिहान सवा ९ बजे सुरु हुनेछ ।
हालसम्म अपराजित रहदै ८ अंकसहित शीर्ष स्थानमा रहेको जनकपुर र एक खेलमात्रै हारेर ६ अंकसहित दोस्रो स्थानमा रहेको सुदूरपश्चिमको खेल निकै रोमाञ्चक हुने अनुमान गरिएको छ ।
यस्तै यता आफ्नो पाँच खेलमा चार खेल हारेको लुम्बिनी लायन्सलाई आज जसरी पनि काठमाडौंलाई हराउने दबाबमा छ । यदी आज लुम्बिनी काठमाडौंसँग हारे खेलबाट बाहिरिनेछ । काठमाडौं गुर्खाज भने आज लुम्बिनीसँग थप जित निकाल्दै आफ्नो एनपीएल खेलमा थप शसक्त बन्ने दाउमा छ । दोस्रो खेल आज दिउँसो सवा १ बजेबाट सुरु हुनेछ ।
