काठमाडौं । नेपाल धितोपत्र बोर्डले मुद्दती निक्षेपमा लगानी गर्न बैंकहरूको खोजी गरेको छ । बोर्डले आफूसँग रहेको लगानीयोग्य रकम एक वर्षका लागि मुद्दतीमा राख्न चाहेको हो ।
इच्छुक ‘क’ वर्गका बैंकहरूले आफूले दिन सक्ने एकवर्षे ब्याजदरसहित आजका मितिले ५ कार्यदिनभित्र कार्यालय समयभन्दा एक घण्टाअगाडि शिलबन्दी पेश गर्नुपर्नेछ । शिलबन्दी सोही दिन अपरान्ह सवा ४ बजे बार्डको कार्यालय खुमलटारमा खोलिने जनाइएको छ ।
शिलबन्दी फाराम बोर्डकै वेबसाइटबाट प्राप्त गर्न सकिनेछ । साथै थप जानकारीका लागि बोर्डको लेखा तथा वित्त शाखामा सम्पर्क गर्न भनिएको छ ।
