काठमाण्डौ – खगोलिय गणनाअनुसार, आजको दिन विशेष फलदायी हुनसक्छ। दिनको शुभारम्भ गर्दा तिल वा धनियाँ मुखमा राखेर निस्कनु राम्रो मानिन्छ। आज बिहान ६:१६ देखि ७:४५ सम्मको समय शुभ कार्यका लागि अनुकूल मानिन्छ।
राशि अनुसार दिनको प्रभाव
मेष (चु, चे, चो, ला, लि, लु, ले, लो, अ)
बाल्यकालका मित्रहरूसँग पुनः भेटघाट हुने सम्भावना छ। मेहनतको फल भविष्यमा छात्रवृत्ति वा विशेष अवसरका रूपमा प्राप्त हुनसक्छ। बौद्धिक चिन्तनमा समय बित्नेछ।
वृष (इ, उ, ए, ओ, बा, बि, बु, बे, बो)
आत्मीयजनहरूसँग मतभेद हुनसक्छ। विश्वासको संकट देखापर्न सक्छ, परिवारमा केही असमझदारी बढ्न सक्छ। शान्तपूर्वक समस्या समाधान गर्ने प्रयास गर्नुहोला।
मिथुन (का, कि, कु, घ, ङ, छ, के, को, ह)
कारोबारमा सुधार ल्याउन नयाँ योजना आवश्यक देखिन्छ। साथीभाइ वा परिवारसँग सहकार्य गर्न अनुकूल समय छ। आर्थिक पक्ष मजबुत बन्नेछ।
कर्कट (हि, हु, हे, हो, डा, डि, डु, डे, डो)
सञ्चार माध्यममा सजग रहनुहोस्, शब्दहरूको सही प्रयोग आवश्यक छ। व्यक्तिगत खर्च बढ्नसक्छ, आर्थिक व्यवस्थापन आवश्यक छ।
सिंह (मा, मि, मु, मे, मो, टा, टि, टु, टे)
शत्रुहरू सक्रिय हुनसक्छन्, सतर्क रहनुहोस्। वाचा पूरा नगर्ने व्यक्तिहरूसँग सावधानी अपनाउनुहोस। संयमित भएर अगाडि बढ्नु राम्रो हुनेछ।
कन्या (टो, प, पि, पु, ष, ण, ठ, पे, पो)
तरल पदार्थ र खाद्य सामग्रीको व्यवसाय फस्टाउने संकेत छ। आर्थिक रूपमा कमजोर समय भएकाले खर्च व्यवस्थापन गर्नुहोला।
तुला (र, रि, रु, रे, रो, ता, ति, तु, ते)
नयाँ काम सुरु गर्ने अवसर मिल्नेछ। अतिरिक्त आम्दानी हुनसक्छ। दृढ इच्छाशक्ति राखेर अघि बढ्नु लाभदायक हुनेछ।
वृश्चिक (तो, ना, नि, नु, ने, नो, या, यि, यु)
घरपरिवारमा साना विवाद हुनसक्छन्। परीक्षामा राम्रो नतिजा आउनेछ। वरिष्ठ कर्मचारीहरू प्रसन्न रहनेछन्।
धनु (ये, यो, भ, भि, भु, ध, फा, ढ, भे)
धार्मिक तथा आध्यात्मिक क्षेत्रमा रुचि बढ्नेछ। मेहनतले भाग्यलाई बलियो बनाउनेछ। नसोचेका अवसरहरू आउन सक्छन्।
मकर (भो, ज, जि, खि, खु, खे, खो, गा, गि)
भावनात्मक रूपमा कमजोर महसुस हुनसक्छ। अनुभवलाई सदुपयोग गरी आर्थिक पक्ष मजबुत बनाउनुहोस्।
कुम्भ (गु, गे, गो, सा, सि, सु, से, सो, द)
एकान्तमा समय बिताउन मन लाग्न सक्छ। खर्चमा ध्यान दिनुहोस। पारिवारिक पक्षमा सन्तुलन आवश्यक छ।
मीन (दि, दु, थ, झ, ञ, दे, दो, च, चि)
सकारात्मक सोच राखेर अघि बढ्नुहोस्। बहस तथा तर्कवितर्कमा जित्ने सम्भावना छ। आत्मसंयम अपनाउनु उचित हुनेछ।
आजको दिन विशेषगरी मेहनत र संयमता आवश्यक देखिन्छ। राशिअनुसार कार्य गर्ने हो भने सफलता प्राप्त हुने सम्भावना प्रबल छ। शुभकामना!
