काठमाडौं, फागुन २२ – नेपाल माइक्रो इन्स्योरेन्सले निष्कासन गरेको प्रारम्भिक सार्वजनिक शेयर (आइपीओ) को बाँडफाँट शुक्रबार बिहान ८:३० बजे हुने भएको छ।
बिक्री प्रबन्धक एनआईएमबीएस क्यापिटल का अनुसार, आज (बिहीबार) नै बाँडफाँट गर्ने तयारी गरिएको थियो। तर, बलेफी हाइड्रोपावरको लिलामी सेयरको बोलपत्र खोल्ने कार्य बिहीबार बिहान परेकाले बाँडफाँट कार्यक्रम एक दिन पर सारिएको हो।
नेपाल माइक्रो इन्स्योरेन्सले फागुन ११ गतेदेखि १५ गतेसम्म १०० रुपैयाँ अंकित मूल्यमा १८ लाख ४५ हजार कित्ता आइपीओ बिक्री गरेको थियो। उक्त सेयरमा १९ लाखभन्दा बढी आवेदक सहभागी भए, जसले गर्दा मागभन्दा १३.२८ गुणा बढी आवेदन परेको देखिएको छ।
अब गोलाप्रथामार्फत मात्र १ लाख ८४ हजार ५०० जना भाग्यमानी आवेदकले सेयर हात पार्नेछन्। बाँडफाँटपछि नतिजा सार्वजनिक हुनेछ, जसलाई सीडीएससीको मेरोसेयर पोर्टल तथा बिक्री प्रबन्धकको वेबसाइटमार्फत हेर्न सकिनेछ।
जनवाच
