काठमाडौं । जारी पीएम कप क्रिकेट प्रतियोगितामा आज दुई महत्वपूर्ण खेलहरू हुँदैछन्, जसले अंक तालिकामा नयाँ मोड ल्याउने सम्भावना छ ।
पहिलो खेलमा त्रिभुवन आर्मी क्लब र सुदूरपश्चिम प्रदेशबीच प्रतिस्पर्धा हुनेछ । सिद्धार्थनगर रंगशालामा बिहान ९ बजे सुरु हुने यस खेलमा आर्मी पहिलो जितको आत्मविश्वास बोकेर मैदान उत्रँदै छ भने सुदूरपश्चिम दुई खेलमा एक जित र एक हारको नतिजा सुधार्न चाहन्छ ।
त्यस्तै, अर्को खेलमा कोशी प्रदेश र नेपाल पुलिस क्लब आमनेसामने हुनेछन् । एक्स्ट्राटेक ओभल क्रिकेट स्टेडियम, तिलोत्तमामा बिहान ८ बजे सुरु हुने यस खेलमा कोशी प्रदेश आफ्नो पहिलो जितको खोजीमा हुनेछ, किनभने उसले अहिलेसम्म दुवै खेल गुमाइसकेको छ । नेपाल पुलिस क्लबले भने पहिलो खेल जितेर राम्रो सुरुवात गरिसकेको छ ।
