काठमाडौं, १७ जेठ — लामो समयपछि सर्वोच्च अदालतबाट दोषमुक्त भएका पूर्व सांसद तथा कांग्रेस नेता मोहम्मद अफ्ताब आलम नयाँ संकटमा परेका छन्। अदालतबाट सफाइ पाएसँगै स्वतन्त्र जीवनमा फर्किएका आलमलाई अहिले भने स्वास्थ्यले साथ नदिँदा अस्पतालको शैयामा दिन काट्नुपरेको छ। अस्पताल स्रोतका अनुसार, आलमलाई गम्भीर प्रकृतिको मस्तिष्कघात (ब्रेन स्ट्रोक) भएपछि तुरुन्तै न्यूरे अस्पतालको आईसीयूमा भर्ना गरी उपचार थालिएको छ। उनको स्वास्थ्य अवस्था गम्भीर भए पनि चिकित्सकहरूको टोलीले निगरानीमा राखेर उपचार गरिरहेको जनाइएको छ। राजनीतिक तथा कानुनी लडाइँपछि अदालतले उनलाई दोषमुक्त गरेसँगै आलमको नाम फेरि सक्रिय राजनीतिमा आउने चर्चा चलिरहेको थियो। तर, शारीरिक अवस्था कमजोर हुँदै गएपछि उनी हाल अस्पतालको शैयामा सीमित भएका छन्। डाक्टरहरूको प्रारम्भिक अनुमान अनुसार, पछिल्लो समय अत्यधिक मानसिक दबाव, सामाजिक तनाव र लामो थकानले गर्दा उनको मस्तिष्कमा रक्तस्राव (ब्रेन हेमरेज) भएको हुन सक्ने देखिएको छ।
जनवाच
