काठमाडौँ, १५ फागुन – संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले धार्मिक र लोकतान्त्रिक भावनाले नेपालको सङ्घीय लोकतान्त्रिक गणतन्त्रलाई अझ बलियो बनाउने विश्वास व्यक्त गरेका छन्। उनले धार्मिक अनुशासन र लोकतान्त्रिक विचारलाई जोड्दै भन्नुभयो कि यो दुई मूल्यले हाम्रो राष्ट्रलाई समृद्ध र सक्षम बनाउनेछन्। आज पशुपति क्षेत्रस्थित गुह्येश्वरी मन्दिरमा आयोजित एक कार्यक्रमको शुभारम्भ गर्दै मन्त्री पाण्डेले भने, “धार्मिक भाव र आत्मानुशासनले मानिसलाई राम्रो नागरिक बनाउँछ, जसले राष्ट्रको समृद्धिमा योगदान पुर्याउँछ।” उहाँले धार्मिक अनुशासनको उदाहरण दिँदै, विभिन्न स्थानमा सफा र शान्तिपूर्ण वातावरण कायम गर्नका लागि यसको महत्वमा जोड दिए । मन्त्री पाण्डेले पशुपति क्षेत्रको व्यवस्थापनमा सुधार ल्याउने उद्देश्यले पशुपति क्षेत्र विकास कोषको सहयोगमा समिति गठन गरिएको जानकारी पनि दिएका छन्। यस समितिले पशुपति क्षेत्रमा गरिएको सुनदानलाई व्यवस्थित र कानूनी दायरामा राख्नका लागि आवश्यक अध्ययन र प्रक्रिया अघि बढाउनेछ।उनले “धार्मिक दानलाई उचित ढंगले उपयोग गर्नका लागि कानुनी प्रबन्ध गर्न समिति कार्यरत छ।” मन्त्री पाण्डेले धर्म र संस्कृतिका क्षेत्रमा काम गर्ने पत्रकारलाई अनुशासन र उदाहरणीय आचरणमा उभिनुपर्ने पनि बताए। उहाँले पत्रकारहरूको भूमिका र जिम्मेवारीको महत्त्वलाई स्वीकार गर्दै भने, “धर्म र संस्कृतिका क्षेत्रका सञ्चारकर्मीहरूले विश्वसनीयता र ईमानदारीका साथ काम गर्नुपर्ने छ।”
जनवाच
