काठमाडौं । सहकारी ठगी मुद्दामा प्रहरीको हिरासतमा रहेका राष्ट्रिय स्वतन्त्र पार्टीका (रास्वपा) का सभापति रवि लामिछानेको रिहाईको माग गर्दै उनका समर्थकले सिमरा विमानस्थलमा प्रदर्शन गरेका छन् ।
सोमबार रवि लामिछानेलाई पोखराबाट प्रहरीले काठमाडौँहुँदै पर्सा लगेको थियो। सहकारी ठगी प्रकरणमा अनुसन्धानका लागि पर्सा लगिएकोमा सो क्रममा सिमरा विमानस्थलमा रविका समर्थकले प्रदर्शन गरेका हुन् ।
वीरगन्जको सानो पाइला सहकारीको रकम अपचलनमा सभापति रविको समेत संलग्नता देखिएपछि पर्सा प्रहरीले उनलाई हिरासतमा लिन अनुमति मागेको थियो । सोही बमोजिम पर्सा जिल्ला अदालतले उनलाई पक्राउ गरी आवश्यक अनुसन्धान गर्न अनुमति दिएको छ ।
