काठमाडौँ, फागुन २९ – सानिमा रिलायन्स लाइफ इन्स्योरेन्सले आफ्नो वार्षिक साधारण सभा बोलाएको छ। कम्पनीले चैत ८ गते हुने सभामा सेयरधनीहरूलाई १.२४८९ प्रतिशत बोनस सेयर र ८ प्रतिशत नगद लाभांश वितरण गर्ने प्रस्ताव पेस गर्ने भएको छ।

गत आर्थिक वर्ष २०७९/८० को नाफाबाट प्रस्तावित लाभांश वितरण गरिनेछ। बोनस सेयर वितरणपछि कम्पनीको पुँजी वृद्धि हुने भएकाले प्रबन्धपत्र संशोधन गर्ने एजेन्डा पनि सभामा छलफल गरिनेछ।

साधारण सभामा निम्न विषयमा पनि छलफल हुनेछ:

• वार्षिक प्रतिवेदन, नाफा-नोक्सान हिसाब र नगद प्रवाह विवरण पारित
• कम्पनीको रजिष्टर्ड कार्यालय स्थानान्तरण
• संस्थागत सामाजिक उत्तरदायित्व अन्तर्गतका खर्चहरूको अनुमोदन

सभाका लागि कम्पनीले फागुन २६ गते बुक क्लोज गरिसकेको छ। जसका कारण फागुन २५ गतेसम्म कायम रहेका सेयरधनीहरूले मात्र प्रस्तावित लाभांश प्राप्त गर्ने छन्।