नेपालगन्ज – नेपाली कांग्रेसका वरिष्ठ नेता डा. शेखर कोइरालाले पार्टीका नेता र कार्यकर्ताहरूसँग अब कुनै प्रकारको अन्याय हुन नदिने प्रतिवद्धता जनाएका छन्। उनले राप्ती सोनारी गाउँपालिका सम्मेलनमा आइतबार उद्घाटन गर्दै पार्टीका सबै सदस्यहरूलाई अधिकारको सुरक्षा गर्ने कसम खाएका छन्।
उनले कार्यकर्ताहरूलाई आफ्नो संगठनको पक्षमा ढुक्क भएर काम गर्न र सदस्यता नवीकरणमा ध्यान दिन आग्रह गरे। “समयमै सदस्यता नवीकरण गराउनुस् र पार्टीको विधान अनुसार अघि बढ्नुस्,” उनले भने।
व्यक्तिगत शक्ति भन्दा संस्थाको मजबुतीलाई महत्व दिने कोइरालाले भने, “पार्टीको संरचना बलियो बनाउन हाम्रो कर्तव्य हो।” यसै क्रममा उनले आगामी महाधिवेशन समयमा नै आयोजना गर्नुपर्ने र पार्टीको भविष्यलाई उज्जवल बनाउन आफ्नो जिम्मेवारी निभाउने प्रतिवद्धता व्यक्त गरे।
संगठनको मजबुती र नेता कार्यकर्ताको सुरक्षा बारे सन्देश दिएको डा. कोइरालाले महाधिवेशनका लागि सभापतिको उम्मेदवारको रूपमा तयारी गर्दैछन्। उनले हालै सुदूरपश्चिम क्षेत्रको भ्रमण पनि गरेका थिए।
यो यात्रा भनेको कांग्रेसको भविष्य र संस्थागत विकासमा उनको प्रतिबद्धता प्रतीकको रूपमा रहेको छ।
जनवाच
