काठमाडौं – दार्चुलाको मार्मा गाउँपालिकामा दार्चुला पावर लिमिटेडद्वारा सञ्चालित २८.३०४ मेगावाट क्षमताको मध्यचमेलिया जलविद्युत् आयोजनाको शिलान्यास भएको छ। यो आयोजना सुदूरपश्चिमको ऊर्जा सम्भावनालाई व्यवसायिक रूपमा उपयोग गर्ने ठूलो पहलको रूपमा हेरिएको छ।
तीन वर्षभित्र निर्माण सम्पन्न हुने
लिमिटेडका अनुसार आयोजनाको ड्याम लाम्बगरमा तथा विद्युत् गृह शेरीमा निर्माण गरिनेछ। करिब तीन वर्षमा सम्पन्न हुने यस आयोजनामा कुल लागत छ खर्ब २३ करोड ६२ लाखभन्दा बढी रहने बताइएको छ।
स्थानीय पूर्वाधार र ऊर्जा विस्तारमा योगदान
शेरीबाट ८.५ किलोमिटर लामो प्रसारण लाइनमार्फत उत्पादित विद्युत् चमेलियामा जोडिनेछ। आयोजनाले ऊर्जा आपूर्ति प्रणालीलाई मजबुत बनाउनुका साथै स्थानीय पूर्वाधार विकासमा समेत योगदान पुग्ने अपेक्षा गरिएको छ।
दार्चुला लगायत सुदूरपश्चिमका जलविद्युत् सम्भावनालाई उपयोग गर्ने यस परियोजनाले स्थानीय रोजगारी सिर्जनादेखि ऊर्जा आत्मनिर्भरतासम्म महत्वपूर्ण भूमिका खेल्ने आशा गरिएको छ।
